Ақтау маңында болған жол апатынан жеті адам ауруханаға жеткізілді

Куәгерлердің айтуынша, 14 желтоқсан күні түстен кейін жолда Chevrolet Lacetti, Daewoo Gentra және Lexus LX470 көліктері соқтығысқан, деп хабарлайды Azattyq Rýhy Lada.kz-ке сілтеме жасап.

Дәрігерлердің мәліметінше, жедел жәрдемге шақырту сағат 13:51-де түскен. Оқиға орнына жеткен бригадалар жеті адамды – төрт бала мен үш ересекті (2018, 2024, 2016, 2024, 1989, 1988 және 1983 жылдары туған) ауруханаға жеткізді. 

Қазіргі уақытта балалар облыстық балалар ауруханасының дәрігерлерінің бақылауында, ал ересектер Маңғыстау облыстық көпсалалы ауруханасының стационарында ем алуда.