«Сәлем салғызамын»: танымал тележүргізуші жаc келініне қандай ене болатынын айтты

Белгілі тележүргізуші Гүлмира Дайрабаева жақында ғана ене мәртебесіне ие болды. Оның ұлы, танымал блогер Артур сүйіктісі Замира есімді арумен шаңырақ көтеріп, қуанышты жаңалығымен бөліскен еді, деп хабарлайды Azattyq Rýhy. 

Гүлмира Дайрабаева тележүргізуші Айкерім Есенәліге берген сұхбатында келіні Замирамен қарым-қатынасы жайлы айтып, өзінің қандай ене болатынын жеткізді. Сондай-ақ жас келінге сәлем салғызатынын да атап өтті.

«Мен үшін Замира – сырласым, жанашырым, маған жаны ашитын жақын адам болады деп сенемін. Егер оның көңілі шынайы, түзу болса, менің баламның да өмірі бақытты болады», – дейді Гүлмира Дайрабаева.

Жаңа мәртебеге ие болған танымал тележүргізуші келінімен арадағы қарым-қатынасты тек сыйластық пен түсіністікке негіздейтінін атап өтті.