Оралда құтқарушылар мұз үстінде қалып қойған ірі қараны аман алып шықты

Бүгін Зачаганск кентінде мұзбен жабылған су қоймасында алты ірі қара мал мұз үстінде тұрып қалып, жағаға қайта шыға алмай қалды, деп хабарлайды Azattyq Rýhy ТЖМ баспасөз қызметіне сілтеме жасап.

Жағдайды байқаған тұрғындар дереу құтқарушыларға хабар берген.

Оқиға орнына жеткен ТЖМ жедел-құтқару жасағының құтқарушылары жедел әрекет етті. Олар арнайы құтқару арқандарын пайдалана отырып, малдарды қауіпсіз түрде жағаға шығарып алды. Құтқарушылардың кәсіби іс-әрекетінің арқасында малдар ешбір жарақатсыз құтқарылды.