Жеңіл көлік пен трактор соқтығысты: жол апатынан жүргізуші көз жұмды

Жетісу облысында жантүршігерлік жол-көлік оқиғасы болды, деп хабарлайды Azattyq Rýhy.

Жеңіл автомобиль мен К-700 тракторы соқтығысқан.

Жетісу облыстық полиция департаментінің баспасөз қызметінен хабарлағандай, ЖКО фактісі бойынша сотқа дейінгі тергеу басталды.

«Mercedes автокөлігінің жүргізушісі Балпық Би – Қарабұлақ автожолында қарсы жолаққа шығып кетіп, К-700 мамандандырылған техникасымен соқтығысқан. Жол-көлік оқиғасы салдарынан жеңіл автокөліктің жүргізушісі оқиға орнында қайтыс болды», – деді полиция департаменті.

Көлік құралдары мамандандырылған автотұраққа орналастырылған.