Азия чемпионатындағы жекпе-жекте екі қазақстандық боксшы жеңіске жетті

Тайландтың Чиангмай қаласында өтіп жатқан бокстан Азия чемпионатының екінші күні қазақстандық боксшылар үшін сәтті өтті. Бұл туралы Ұлттық Олимпиада комитеті мәлімдеді, деп хабарлайды Azattyq Rýhy. .

«57 келі салмақ дәрежесінде өнер көрсеткен Оразбек Асылқұлов Малайзиядан келген Зульхайлан Мохамадты сенімді түрде жеңіп, ширек финалға жолдама алды», — деп жазылған хабарламада.

Сондай-ақ, 60 келі салмақта Бейбарыс Жексен өз жекпе-жегінде жеңіске жетті. Ол өзбекстандық қарсыласы Дильшод Абдумұрадовты төрешілердің шешімімен жеңіп, келесі кезеңге өтті.