Қазақстандық конькишілер Польшада қола медаль алды

Қазақстандық конькишілер Польшадағы Томашув-Мазовецкий қаласында өткен жасөспірімдер арасындағы Әлем кубогы кезеңінде қола жүлдеге ие болды, деп хабарлайды Azattyq Rýhy Ұлттық Олимпиада комитетінің баспасөз қызметіне сілтеме жасап.

«Қоланы Қазақстанның әйелдер құрамасы командалық жарыста жеңіп алды. Құрама сапында Анастасия Беловодова, Арина Ильященко және Алена Лифатова өнер көрсетті», — деп жазылған хабарламада.

Жарыста бірінші орынды Германия командасы иеленсе, екінші орынды Норвегия құрамасы жеңіп алды.