«Казцинк» зауытында апат болғаны жайлы ақпарат шындыққа жанаспайды

Әлеуметтік желіде Өскемендегі «Казцинк» зауытында апат болғаны жайлы ақпарат тарады. Алайда бұл ақпарат шындыққа жанаспайды. Бұл туралы ШҚО экология департаментінен мәлім етті, деп хабарлайды Azattyq Rýhy.

Зауыттағы апат туралы ақпарат тарағаннан кейін ШҚО экология департаментіның мамандары кәсіпорынға барған.

«Кәсіпорын аумағын тексеру кезінде төтенше жағдайлар немесе оқыс оқиға белгілері анықталған жоқ. «Қазцинк» ЖШС өкілдері тарап жатқан ақпараттың шындыққа сәйкес келмейтінін және компанияның беделін түсіру әрекеті екенін мәлімдеді», - делінген департаменттің баспасөз қызметі таратқан хабарламада.