Мемлекет басшысы Албания халқын Тәуелсіздік күнімен құттықтады

Президент екі елдің сан қырлы байланыстары одан әрі нығая түсетініне сенім білдірді

Фото: t.me/aqorda_resmi

Мемлекет басшысы Албания Президенті Байрам Бегайға құттықтау жеделхатын жолдады, деп хабарлайды Azattyq Rýhy Ақорданың баспасөз қызметіне сілтеме жасап.

Қасым-Жомарт Тоқаев Байрам Бегайды және оның отандастарын Тәуелсіздік күнімен құттықтады.

Президент Албания мемлекетінің әлемдегі мәртебесі асқақтап, халқының ырыс-берекесі арта беруін тіледі. Сондай-ақ Астана мен Тирана арасында мазмұнды саяси диалог пен дәстүрлі достық қалыптасқанын атап өтіп, бірлескен күш-жігердің арқасында екі елдің сан қырлы байланыстары одан әрі нығая түсетініне сенім білдірді.

Мақалада

#Қасым-Жомарт Тоқаев #Тәуелсіздік күні #құттықтау #Албания

Алдыңғы жаңалық

Тоқаев Путинді елорда әуежайынан шығарып салды