Ақтөбеде жүздеген мүгедек адам баспана алу құқығынан, ақшалай көмектен қағылған
Заңсыз әрекет анықталып, олардың құқығы қалпына келтірілді
Ақтөбеде тексеру барысында бірінші және екінші топтағы мүгедек 500 адамның баспанаға мұқтаж ретінде тіркелмегені анықталды, деп хабарлайды Azattyq Rýhy.
Бұл жағдай мүмкіндігі шектеулі адамдардың құқығын бұзу болып саналады, өйткені бұл тіркеу оларды қолжетімді баспанамен қамтамасыз етудің бір кепілі.
«Заңға сәйкес, жеке баспанасы жоқ мүгедектер кейіннен әлеуметтік баспана алуды немесе өмір сүру жағдайларын жақсарту үшін мемлекеттік қолдау алуды қажет ететіндердің тізімінде болуға құқылы.
Сонымен қатар, Конституция күніне орай 39 мүгедекке 1 950 000 теңге көлемінде әлеуметтік көмек көрсетпеу, сондай-ақ 17 азаматқа 850 000 теңге көлемінде бір реттік төлем төлемеу фактілері анықталды.
Сондай-ақ, 1-топтағы мүгедектерге жеке оңалту бағдарламасын әзірлемеу және 200 ЖОБ-сын іске асырмаудың 152 деректері анықталды», - делінген прокуратура хабарламасында.
Қазіргі уақытта мүгедектердің құқықтары қалпына келтіріліп, олар баспана есебіне алынып, барлық қажетті төлем өтелді.
