Абай облысында жолда тұрып қалған шетелдік жүргізушіге көмек көрсетілді

Абай облысында жолда тұрып қалған шетелдік жүргізушіге көмек көрсетілді, деп хабарлайды Azattyq Rýhy.

ҚР ІІМ баспасөз қызметінің мәліметінше, шетелдік жүк көлігінің жүргізушісі ауа райының қолайсыздығынан жолда қалып қойған.

«Полицейлер қолайсыз ауа райы салдарынан қозғалысы тоқтаған Белорусь жүк көлігінің жүргізушісіне көмектесті. Жүк көлігі жолға шығарылып, қозғалыс қауіпсіздігі қамтамасыз етілді. Шетелдік жүргізуші полиция қызметкерлерінің қамқорлығы мен кәсібилігін жоғары бағалап, мұндай жағдайларда олардың көмегінің маңыздылығын ерекше атап өтті», - делінген хабарламада.