Айгүл Иманбаева үйлену тойын Лос-Анджелесте өткізетін болды

Қазір үйлену тойына дайындық жүріп жатқанын айтты

Фото: instagram.com/aigul_imanbayeva

Танымал әнші, актриса Айгүл Иманбаева Instagram парақшасында желі қолданушылары тарапынан қойылған бірнеше сауалға жауап берді, деп хабарлайды Azattyq Rýhy.

Ол қазіргі уақытта үйлену тойына дайындалып жүргенін айтты.

«Той бұйыртса 2025 жылы болады. Бірақ Қазақстанда жасамаймыз. Жолдасым екеуміз АҚШ-тың Лос-Анджелес қаласында өткізуді жоспарлап отырмыз», - деді ол.

Оқырмандары тарапынан «Аяғыңыз ауыр ма?» деген сұраққа да жауап бері өтті.

«Маған «Аяғың ауыр ма?» деген сұрақтар көптеп келіп жатыр. Босанғанша сіздерге айтпай-ақ қояйын. Міндетті түрде сіздерден сүйінші сұраймын», - деді актриса.

Айгүл Иманбаева өз сөзінде келер жылы ұлы Асылжанның да үйлену тойын жасауды жоспарлап отырғанын айтты.

Мақалада

#жүктілік #әнші #актриса #Айгүл Иманбаева

Алдыңғы жаңалық

«Абай Бегейдің қызы бәріне үлгі болды»: Қайрат Нұртастың тұңғышының ақ орамал таққан видеосы тарады