Алматы облысында браконьерден 50 келіден астам көксерке балығы тәркіленді

Алматы облысы Балқаш ауданының Құйған ауылы маңында заңсыз балық аулаған Жамбыл облысының 45 жастағы тұрғыны ұсталды, деп хабарлайды Azattyq Rýhy.

Балқаш аудандық ПД мәліметінше, ер адам 27 қазанда «Браконьер» жедел-профилактикалық іс-шарасын өткізу барысында ұсталған. Ол моторлы қайықпен және тыйым салынған моножіпті торлармен балық аулаған.

«Тінту кезінде құқық бұзушыдан 50 келіден астам көксерке, сонымен қатар заңсыз аулау құралдары табылды. Күдіктіге қатысты балық ресурстарын заңсыз өндіру фактісі бойынша сотқа дейінгі тергеу басталды. Мемлекетке келтірілген залал 425 844 теңгені құрайды», – деп атап өтті Балқаш аудандық полициясының бастығы Айдар Умаров.