Ер адам мал іздеу үшін атпен тауға қарай шығып, жоғалып кеткен

Құтқарушылар жоғалған адамды дронмен іздеген

Фото: ҚР ТЖМ

Алматы облысында мал іздеу үшін атпен тауға кеткен ер адам жоғалып кетті, деп хабарлайды Azattyq Rýhy.

Құтқарушылар жоғалған адамды түні бойы іздеді. Оқиға кеше кешке Кеген ауданы Бөлексаз ауылында болған. 1974 жылы туған ер адам мал іздеу үшін атпен тауға қарай шығып, жоғалып кеткені туралы хабар келіп түсті.

«Іздестіру жұмыстары ұшақсыз ұшу аппаратын қолдану арқылы жүргізілді, сондай-ақ ТЖМ жедел-құтқару жасағының кинологиялық жасағы жұмылдырылды.

Бүгін таңертең іздестіру тобы жоғалған адамды таулы жердегі Бөлексаз ауылынан 8 шақырым жерде тапты. Оған медициналық көмек қажет болмады», - делінген ҚР ТЖМ хабарламасында.

Мақалада

#Алматы облысы #дрон #адам жоғалу #құтқарушылар

Алдыңғы жаңалық

«Мен үшін дұға жасаңыздаршы»: Құрманай Бақтиярқызының өмірінің соңғы уақытында айтқан сөздері жарияланды