$ 514.65  544.6  5.17
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

Алматыда жалға алынған үйлердің бірінен есірткі зертханасы табылды

Полиция жыл басынан бері 52 есірткі зертханасын жойды

Алматыда жалға алынған үйлердің бірінен есірткі зертханасы табылды
Скрин видео

Алматы қаласында жалға алынған жеке үйлердің бірінде есірткі зертханасы анықталып, жойылды. Бұл туралы Azattyq Rýhy агенттігі Polisia.kz-ке сілтеме жасап хабарлайды.

ІІМ есірткі қылмысына қарсы іс-қимыл жөніндегі қызметкерлері  іздестіру іс-шараларын жүргізу барысында жалпы салмағы бір жарым килограмнан асатын «aльфа-pvp» синтетикалық психотроптық затын тәркіледі.

«Күдікті ұсталды. Одан салмағы 100 грамнан асатын «синтетика» тәркіленді. Ер адам есірткіні байланыссыз тәсілмен өткізбек болған. Ол уақытша ұстау изоляторына қамалды», – деді ІІМ есірткі қылмысына қарсы іс-қимыл комитеті төрағасының орынбасары Қуандық Әлжанов.

Полиция жыл басынан бері 52 есірткі зертханасын жойды. Заңсыз айналымнан жарты тонна «синтетика» тәркіленді, бұл өткен жылмен салыстырғанда екі есе көп.

«2021 жылдың қазан айынан бастап «синтетика» есірткінің ауыр түріне теңестірілді. Оларды сақтау үшін қылмыстық жауапкершілік бір грамнан басталады. Аталмыш факт бойынша күдікті мүлкі тәркіленіп, 10 жылдан 15 жылға дейін бас бостандығынан айырылуы мүмкін», – деді спикер.

Серіктес жаңалықтары