Астанада жасөспірімнің алаяқтығынан 20-дан астам адам 11 млн теңгесінен айырылды

Астанада кәмелетке толмаған адам алаяқтық іс ұйымдастырып, салдарынан 20-дан астам тұрғын зардап шекті, деп хабарлайды Azattyq Rýhy.

Алаяқ жасөспірім банк қосымшасы арқылы елорда тұрғындарына ақшалай кредиттерді ресімдеу жоспарын әзірлеген. Жәбірленушілердің ақшаларын трейдингтік компанияларға инвестициялайтынын айтып, несиені өзі жабуға уәде берген.

Сонымен қатар, жәбірленушілерді қарыз сомасының 22%, сондай-ақ келген әр жаңа клиент үшін 10% түріндегі сыйақы үлесін алатындарымен алдаған. Осылайша, кәмелетке толмаған 20 жәбірленушінің 11 млн теңгеден астам ақшалай қаражатын жымқырған.

«Сотта мемлекеттік айыптаушы сотталушының кінәсін дәлелдеп, оның жәбірленушілер үшін табыс табу ниеті болмағанын анықтады. Барлық ақшалай қаражатты өз қажеттіліктеріне жұмсағаны сотта дәлелденді.

Сот үкімімен жәбірленушілерге келтірілген залал толықтай өндіріліп кінәлі тұлға сотталды. Жәбірленушілердің азаматтық талаптары қанағаттандырылды. Үкім заңды күшіне енді.

Қала прокурорлары тұрғындарға тез және үлкен табыс әкелетін күмәнді мәмілелерден бас тартуды ескертеді, өйткені бұл алаяқтық белгісі болуы ықтимал», - делінген қалалық прокуратура таратқан хабарламада.