Ішкі істер министрінің орынбасары лауазымынан босады

Арнайы атағы – полиция генерал-майоры

Фото: gov.kz

Ішкі істер министрінің орынбасары қызметінен босатылды. Бұл туралы Azattyq Rýhy Ақорданың баспасөз қызметіне сілтеме жасап хабарлайды.

«Мемлекет басшысының өкімімен Айдос Какашаұлы Рысбаев Қазақстан Республикасы Ішкі істер министрінің орынбасары лауазымынан босатылды», - делінген хабарламада.

Арнайы атағы – полиция генерал-майоры.

1996 жылы Ақмола университетін, 2005 жылы Қазақстан Республикасы ІІМ-нің Б.С. Бейсенов атындағы Қарағанды заң институтын тәмамдаған.

1998 жылдан 2003 жылға дейін Астана қаласы ІІБ криминалдық полициясында қызмет атқарды;
2005 жылдан 2016 жылға дейін Астана қаласының полиция департаментінде түрлі басшылық лауазымдарда болды;
2019-2022 жылдары Астана қаласы полиция департаменті бастығының орынбасары;
2022 жылдан ҚР ІІМ Криминалдық полиция департаментінің бастығы;
2023 жылғы қарашадан бастап бүгінге дейін Қазақстан Республикасы Ішкі істер министрінің орынбасары болған.

Мақалада

#ақорда #ҚР ІІМ #Вице-министр

Алдыңғы жаңалық

Ақмола облысында туған әпкесі мүгедек бауырын мұрагерліктен айырған