Әйел адам екі жасар баласын сірке суымен өлтірмек болды
Анасы 20 жылға дейін бас бостандығынан айырылуы мүмкін
Ресейдің Мәскеу облысында 26 жастағы әйел адам екі жасар сәбиін сірке суымен өлтірмек болды. Бұл туралы Azattyq Rýhy агенттігі gazeta.ru басылымына сілтеме жасап хабарлайды.
Тәжікстан азаматы үш ай бұрын баласымен бірге Мәскеу облысында көңіл жарастырып жүрген ер адамның үйіне көшіп барған. Алайда көп ұзамай белгісіз себептермен баласын өлтірмек болған. Осы мақсатта дүкеннен 70% сірке суын сатып алып, оны сәбиінің бөтелкесіне құйып қояды. Екі жасар баласы сұйықтықты ішкеннен кейін артынша өзі де ұрттап алады.
Ана мен бала ішкі ағзасын қатты күйік шалған ауыр халде ауруханаға жатқызылды. Анасына қатысты қылмыстық іс қозғалды, ол кісі өлтіруге оқталу бабы бойынша 20 жылға дейін бас бостандығынан айырылуы мүмкін.
