Жағдайлары ауыр: әскерде жүрген 16 сарбаз өкпесіне суық тигізген
Сарбаздар Талдықорған әскери госпиталіне орналастырылды
Жетісу облысында 18404 Жетісу гарнизонының әскери бөлімін медициналық тексеру кезінде суық тиген 16 адам анықталды, деп хабарлайды Azattyq Rýhy ҚР Қорғаныс министрлігінің баспасөз қызметіне сілтеме жасап.
Ведомствода мерзімді сарбаздар Талдықорған әскери госпиталіне орналастырылғанын хабарлады.
«Мерзімді қызметтегі бір әскери қызметші «Полисегментті пневмония» диагнозымен көпсалалы ауруханаға жатқызылды. Жағдайы тұрақты – ауыр. Өмірге қауіп жоқ. Емдеу толық көлемде қабылданады. Үй-жайларды дезинфекциялау жүргізілді. Әскери бөлімнің барлық жеке құрамының денсаулық жағдайына бақылау күшейтілді. Практикалық көмек көрсету үшін ҚР Қорғаныс министрлігінің әскери клиникалық госпиталінің және Алматы қаласы ҚР Қарулы Күштерінің санитарлық-эпидемиологиялық орталығының мамандары жіберілді», – делінген хабарламада.
Қорғаныс министрлігі бұл факт бойынша қызметтік тергеу жүргізіліп жатқанын нақтылады.
