ҰБТ-дағы бейнебақылау жазбасы 25 тамызға дейін талданады - БҒМ

Тестілеуге кіргізу барысында тыйым салынған затпен ұсталған түлек биыл ҰБТ тапсыру мүмкіндігінен айрылады, деп хабарлайды Azattyq Rýhy тілшісі Білім және ғылым министрлігінің баспасөз қызметіне сілтеме жасап.

«Тестілеуге кіргізу барысында тыйым салынған затпен ұсталған түлек тестілеуге жіберілмейді және биыл ҰБТ тапсыру мүмкіндігінен айрылады. Айта кеткен жөн, ҰБТ аяқталғаннан кейін 25 тамызға дейін бейнебақылау жазбасы талданады. Егер оқуға түсушінің тыйым салынған заттарды пайдаланғаны анықталған жағдайда, оның ҰБТ және білім беру грантын тағайындау конкурсының нәтижесі жойылады», - делінген хабарламада. 

Еске салсақ, биыл Ұлттық бірыңғай тестілеуге қатысуға 130 мыңнан астам адам ниет білдірген.