Қос азаматтығы бар атыраулыққа жарты млн теңгеден аса айыппұл салынды

Атырау облысы Құрманғазы ауданының 47 жастағы тұрғынына қос азаматтық үшін ірі көлемде айыппұл салынды. Бұл туралы Azattyq Rýhy агенттігі «Мой город» басылымына сілтеме жасап хабарлайды.

Полиция департаментінің мәліметінше, Құрманғазы ауданының тұрғыны туғанынан бастап Қазақстан азаматы болып саналады. Ол алғаш рет 2002 жылы ҚР азаматы ретінде жеке басын куәландыратын құжат алған. 

Сонымен қатар, 2023 жылы Қазақстан азаматы бола отырып, ол Ресей паспортын алған.

«Сотта ер адам әкімшілік құқық бұзушылық жасағаны үшін кінәлі деп танылып, оған 140 АЕК (516 880 теңге) айыппұл салынды. Айыппұл мемлекет кірісіне толығымен өндірілді», - деп хабарлады полиция.