«Оны менен емес, Қытайдан сұраңыз»: Трамп журналиске ренжіп, брифингті тоқтатып тастады

АҚШ президенті Дональд Трамп журналистердің сауалына көңілі толмай, брифингті тастап кетіп қалды деп жазады РИА Новости.

Баспасөз мәжілісінде Трамп коронавирусты анықтайтын тестті пайдалану жағынан АҚШ әлемде көш бастап тұрғанын айтқан болатын. Алайда, тілшілердің бірі елде ауруды жұқтыру мен өлім көрсеткішінің де тым жоғары екенін айтып, оның себебін түсіндіруді президенттен сұрады.

«Оны менен емес, Қытайдан сұраңыз» деп журналист әйелге дөрекі жауап берген Трамп бұл сұрақты «жиіркенішті» деп бағалады. Тілшінің өзге сұрақтарына президент жауап беруден бас тартып, кейін мүлдем брифингті тоқтатып тастады.

Айта кетейік, бұған дейін АҚШ басшысы күнделікті журналистермен кездесіп, елдегі ахуалға есеп беріп келген. Алайда, оның әр жиыны дәл осылай даумен аяқталып жататын. Мұнан кейін ол журналистер алдына шығуды тоқтатып, брифингті оның бапсасөз хатшысы беріп келді.