«Алланың қалауымен аман қалды»: белгілі актердің әкесі жол апатына ұшырады
Ол оқиға орнынан фото жариялап, жүргізушілерге ақырын жүру керек екенін ескертті
Қазақстандық танымал актер Жахан Отарғалиевтің әкесі жол апатына ұшырады. Өнер иесі бұл туралы Instagram парақшасында жазды, деп хабарлайды Azattyq Rýhy.
Жахан Отарғалиев оқиға орнынан фото жариялап, жүргізушілерге ақырын жүру керек екенін ескертті.
«Бауырлар, шамалы ойланған дұрыс сияқты. Өткен жұма күні таңда Атырау-Орал жолында болған жағдай. Сәл жәй жүрген дұрыс-ау. Такси жүргізіп жүрген бауырлар, сіздерді де үйлеріңізде бала-шағаңыз күтіп отыр. Тым болмаса соларды да ойлаңыз.
Әкем Алланың қалауымен аман қалды. Әкемді қалаға алып келдім. Енді жәй-жәй қалыпқа келеміз. Бастысы, аман қалды. Әке-анамыз аман болсын! Оларға көтере алмайтын сынақ бермесін», - деп жазды актер.
