Тоқаев Бразилия халқын Тәуелсіздік күнімен құттықтады

Мемлекет басшысы Бразилия Президентіне құттықтау жеделхат жолдады

Фото: Ақорда

Қасым-Жомарт Тоқаев Бразилия Федеративтік Республикасының Тәуелсіздік күніне орай Луис Инасиу Лула да Силваға құттықтау жеделхатын жолдады. Бұл туралы Azattyq Rýhy Ақорданың баспасөз қызметіне сілтеме жасап хабарлайды.

Президент ұлт бірлігі мен ынтымағының бірегей нышаны болған бұл мейрамның ел тарихындағы орны ерекше екенін атап өтіп, Бразилия халқының өсіп-өркендей беруіне тілектестік білдірді.

Сондай-ақ Мемлекет басшысы бірлескен күш-жігердің арқасында екі ел арасындағы қарым-қатынас дәстүрлі достық пен өзара қолдау рухында одан әрі нығая түсетініне сенімді екенін жеткізді.

Мақалада

#Қасым-Жомарт Тоқаев #Бразилия #Тәуелсіздік мерекесі #құттықтау

Алдыңғы жаңалық

Павлодар облысында адам сүйегінің қалдықтары табылды