Давид Дегтярев Паралимпиада ойындарының алтын медалін жеңіп алды

Ол осымен екінші рет Паралимпиада чемпионы атанып отыр

Фото: Туризм және спорт министрлігі

Қазақстандық пауэрлифтингші Давид Дегтярев Франциядағы Паралимпиада ойындарының алтын медалін жеңіп алды, деп хабарлайды Azattyq Rýhy.

XVII Жазғы Паралимпиада ойындарында Давид Дегтярев 54 келіге дейінгі салмақ дәрежесінде пара пауэрлифтингтен алтын медаль жеңіп алды. Финалда отандасымыз 188 кг салмақты еңсеріп, екі дүркін Паралимпиада чемпионы атанды.

Күміс медальді Куба өкілі Рамирез Барриентос Пабло 185 келіні көтеріп алды. Қола медальді Қытайдан Ян Джинлонг жеңіп алып, 179 келі көтерді.

Айта кетейік, Дегтярев алғаш рет 2020 жылы Токиода өткен ойындарда жеңіске жетті.

Мақалада

#Паралимпиада #Давид Дегтярев

Алдыңғы жаңалық

«Айыппұл арқалады»: Қостанай облысында 8 жасар баланы ұрған өгей әке жазаланды