Қазақтар сүйіп ішетін шай қай елден келеді

Биыл бірінші жарты жыл ішінде Қазақстан 40,4 млн АҚШ доллары сомасына 13,4 мың тонна шай импорттады. Өткен жылдың сәйкес кезеңімен салыстырғанда импорт көлемі 28,1% қысқарды, деп хабарлайды Azattyq Rýhy.

Негізгі жеткізушілер:

• Кения – 4,8 мың тонна
• Үндістан – 4,7 мың тонна
• Қытай – 1,1 мың тонна
• Ресей – 1,1 мың тонна

«Оған қоса шай өнімі Вьетнам, Иран, Шри-Ланка және Грузиядан да келеді. Өз кезегінде Қазақстан шайды Ресейге, Қырғызстанға, Өзбекстанға, Түрікменстанға, Тәжікстанға, Моңғолияға және Түркияға экспорттады», - деп хабарлады Ұлттық статистикалық бюро.

Айта кетейік, бір адам орташа есеппен жылына 1,4 кг шай ішеді.