«Астана» мен «Челси» командалары арасындағы ойынның қашан өтетіні анықталды

Елордалық «Астана» командасының 2024/25 жылғы маусымдағы УЕФА Конференция лигасы топтық кезеңінің ойын кестесі анықталды, деп хабарлайды Azattyq Rýhy.

Бұған дейін жеребе бойынша қазақстандық клубқа Англияның «Челси», Кипрдің АПОЭЛ және «Пафос», Португалияның «Витория» (Гимарайнш), Уэльстің «Нью-Сейнтс» және Сербияның ТСЦ командалары қарсылас атанғанын хабарлағанбыз.

Ойын кестесі бойынша, «Астана» командасы өз алаңында 3 қазанда ТСЦ, 28 қарашада «Витория», 12 желтоқсанда «Челси» командаларын қабылдайтын болды.

Ал 24 қазанда сырт алаңда «Нью-Сейнтс», 7 қарашада «Пафос», 19 желтоқсанда АПОЭЛ клубтарына қарсы ойнайды.