Бүгін елімізде ауа райы қандай болады

Azattyq Rýhy

Ел аумағында найзағай ойнап, жаңбыр жауады

Бүгін елімізде ауа райы қандай болады
Фото: istockphoto.com

«Қазгидромет» РМК бүгінге, 31 тамызға арналған ауа райы болжамын жариялады, деп хабарлайды Azattyq Rýhy.

Синоптиктердің болжамынша, еліміздің басым бөлігінде ауа райы тұрақсыз болады. Атмосфералық фронтальды бөліктердің өтуіне байланысты найзағай ойнап, жаңбыр жауады.

Республиканың батысы мен оңтүстік-шығысында антициклон сілемінің әсерінен жауын-шашынсыз ауа райы күтіледі. Жалпы, өңірлерде желдің екпін алуы жиі тіркеледі деп күтіледі. Солтүстік-батыста, солтүстікте және орталықта түнде және таңертең тұман болады деп болжанады.

Абай, Ұлытау облыстарында, Батыс Қазақстан облысының батысында, Атырау өңірінің орталығында, оңтүстік-шығысында, солтүстік-шығысында, Маңғыстау облысының орталығында, Қызылорда облысының солтүстік-батысында, орталығында, Ақтөбе облысының оңтүстігінде, Алматы өңірінің батысында, солтүстігінде, орталығында, Шығыс Қазақстан облысының батысында, Қарағанды облысының батысында, шығысында, Жетісу облысының солтүстігінде, Қостанай өңірінің оңтүстігінде, Ақтөбе облысының батысында, орталығында өрт қаупі жоғары болады.

Қызылорда, Түркістан, Жамбыл, Атырау, Маңғыстау, Батыс Қазақстан облыстарында, Ұлытау облысының оңтүстігінде, Абай облысының батысында, солтүстік-батысында, оңтүстігінде, орталығында төтенше өрт қаупі сақталады.

×
Бұл желілік ресурстың ақпараттық өнімдері 18 жастан асқан адамдарға арналған.