Бірінші сыныпқа қабылданған балалардың 70%-ы қазақ тілінде оқиды

Мектеп табалдырығын аттаған балалардың ең көп саны Түркістан облысында тіркелді

Фото: istockphoto.com

Жаңа 2024-2025 оқу жылында 351 176 бала 1-сыныпқа қабылданды және оның 70 пайызға жуығы мемлекеттік тілде оқуға ниет білдірді, деп хабарлайды Azattyq Rýhy.

Бірінші сыныпқа баратын оқушылардың ең көп саны Түркістан облысында (44 мыңнан астам), Алматы облысында (34 мың), Астана қаласында (26 мыңнан астам) тіркелген.

Оқу-ағарту министрлігінің хабарлауынша, 2024-2025 оқу жылында 7 859 мектепте 3,9 миллионнан астам қазақстандық бала білім алады. Сонымен қатар, 11-сыныпта оқитындардың саны да рекордтық көрсеткішке жетті – 219 мыңнан астам бала.

Жалпы жаңа оқу жылында 1-сыныпқа 369 мың бала қабылданады деп күтілуде.

Мақалада

#мектеп #қазақ тілі #1 қыркүйек #алғашқы қоңырау

Алдыңғы жаңалық

Маймыл шешегі: әкімдіктер мен ауруханаларға аурудың алдын алу бойынша тапсырмалар берілді