Қазақстандық оқушылар Дублиннен олжалы оралды

Қазақстандық оқушылар география бойынша халықаралық олимпиадада 4 медаль алды, деп хабарлайды Azattyq Rýhy.

Олимпиада Ирландия астанасы Дублинде өтті. Оған әлемнің 50 елінен 200-ге жуық оқушы қатысты.

Қазақстандық команда 1 күміс және 3 қола медаль жеңіп алды:

• Ақжол Болат – Талдыкорған қаласындағы ФМБ НЗМ 11-сынып оқушысы;
• Жомарт Сабыр – Жамбыл облысындағы дарынды балаларға арналған мамандандырылған «Дарын» лицей-интернатының 11-сынып оқушысы;
• Арсен Сыдықов – Шымкент қаласындағы ХББ НЗМ 11-сынып оқушысы;
• Қанат Серікбай – Шымкент қаласындағы ХББ НЗМ 11-сынып оқушысы.

Команда жетекшілері: Нұрлан Жұмагелді – «Дарын» РҒПО директордың орынбасары және Мақсат Аубакиров – «Дарын» РҒПО бөлім басшысы.

Айта кетерлігі, IGeO олимпиадасы 1996 жылдан бастап Халықаралық географиялық одақтың (IGU) қолдауымен өткізіліп келеді.