Оқу жылының қарсаңында Астанада 30-дан астам мектеп салынып жатыр

Астанада 30-дан астам мектеп салынып жатыр. Бұл туралы қала әкімдігі жазды, деп хабарлайды Azattyq Rýhy.

«Қазіргі уақытта қалада 100 мыңға жуық оқушы орнына (екі ауысымды) арналған 30-дан астам мектептің құрылысы жүріп жатыр. Жаңа оқу жылы ішінде 23 мектеп салынады. Бұл елорда үшін рекордты көрсеткіш болып саналады», - деп жазды Жеңіс Қасымбек.

Қалада салынып жатқан мектептің 8-і – «Жайлы мектеп». Олар мына мекенжайларда орналасқан:

• Сарыарқа ауданы, Ұлытау мен Наурыз көшелерінің қиылысында және Бейбарыс Сұлтан көшесінде;
• Нұра ауданы, Төле би көшесі мен 24 көшенің қиылысында;
• Есіл ауданы, Қабанбай батыр даңғылы мен Сығанақ көшесінің қиылысында;
• Нұра ауданы, Төле би, 31 көшелерінде, Мәңгілік ел даңғылы мен Е-497 көшесінің қиылысында, Орынбор мен №37 көшелерінің қиылысында;
• Алматы ауданы, А.Байтұрсынұлы көшесінде.

Оқу жылының басында тағы 3 мемлекеттік және бір жеке мектеп ашу жоспарланып отыр.