Нөсер жаңбыр мен 45 градус ыстық: үш тәулікке арналған күн райы

«Қазгидромет» РМҚ баспасөз қызметі 6-8 тамызға арналған ауа райы болжамын ұсынды, деп хабарлайды Azattyq Rýhy.

Синоптиктердің айтуынша, алдағы үш күнде ел аумағының көп бөлігінде циклонның ықпалымен найзағай тұрып, қатты жел соғады. Бұршақ жауады

«6-8 тамызда еліміздің батыс және солтүстік-батыс аймағында, 7-8 тамызда елдің солтүстігінде нөсер жаңбыр жауады. Қазақстан бойынша жел күшейеді. Елдің оңтүстігінде күндіз өте қатты ыстық тіркеліп, +45°С дейін қызады. Ал республиканың қалған аумағында күрт өзгерістер тіркелмейді», - деп хабарлады «Қазгидромет».