Астанада дрондар шоуын 100 мыңнан астам тамашалады

Елорда күніне орай қала тұрғындары мен қонақтары үшін аспанда дрондардың бірегей шоуы ұйымдастырылды. Бұл туралы Azattyq Rýhy Астана әкімдігінің ресми сайтына сілтеме жасап хабарлайды.

6 шілдеде ЭКСПО аумағында «Open Air» мерекелік концертінен кейін «ASPAN» Жарық дрон-шоуы өтті.

Дрондар түнгі аспанда төмендегідей бейнелерді көрсетті:

• Жер Планетасы;
• Қазақстан картасы;
• Шаңырақ;
• Зымыран және Сатурн;
• Бәйтерек;
• «Таза Қазақстан»;
• Қазақстан Туы;
• Жүрек және Астана.

«Дрондар шоуы үшін аспанға 1250 жылдамдықты радиомен басқарылатын аппарат ұшырылды, оның 70-і – пиротехникалық дрон. Бұл – дрон симбиозы мен пиротехниканың жаңа технологиясы. Олар қазақстандық және шетелдік композиторлардың музыкасымен үндестірілді.

Айта кету керек, 100 мыңнан астам адам «Open Air» мерекелік концертіне және дрондар шоуына қатысты. Түрлі-түсті жарық шоуы демеушілік қаражат есебінен ұйымдастырылған», - делінген әкімдік хабарламасында.