Елордада LRT құрылысына байланысты Сығанақ көшесіндегі айналым съезі жабылады
Мәңгілік ел даңғылында 8 шілдеден 31 тамызға дейін ішінара шектеу болады
Астанада полиция департаментінің келісімі бойынша LRT құрылысына байланысты жол қозғалысына өзгеріс енгізіледі. Бұл туралы Azattyq Rýhy агенттігі CTS-ке сілтеме жасап хабарлайды.
«Астана қаласы полиция департаментінің келісімі бойынша магистральдардың жүріс бөлігіне іргелес учаскелерде LRT жұмысын жүргізу жоспарына сәйкес, Сығанақ көшесі бойынша жол қозғалысын ұйымдастыру өзгертіледі», – делінген хабарламада.
Осыған байланысты 8 шілдеден 31 тамызға дейін Түркістан көшесінен Мәңгілік ел даңғылының көлік айрығына дейінгі учаскеде ростверктерді,
тіректер мен ригельдерді орнату бойынша жұмыстарды орындау үшін қозғалыс жолында ішінара шектеу болады.
Бұл ретте Достық көшесі жағынан Сығанақ көшесіне құқықтық айналым съезі жабылады.
