Алматы облысында үш ай бұрын жоғалған 3 жасар қыз әлі табылған жоқ

Azattyq Rýhy

Бүлдіршінді іздеуге полицейлер мен еріктілер, қала тұрғындары түгел атсалысуда

Алматы облысында үш ай бұрын жоғалған 3 жасар қыз әлі табылған жоқ
Фото: depositphotos.com

Алматы облысы, Еңбекшіқазақ ауданында жоғалып кеткен 3 жастағы қыз әлі табылған жоқ. Ол 17 наурызда үйінен шығып кетіп, қайтып оралмаған, деп хабарлайды Azattyq Rýhy Астана арнасына сілтеме жасап.

Бүлдіршінді іздеуге полицейлер мен еріктілер, қала тұрғындары түгел атсалысуда. Тікұшақ пен дрон да жұмылдырылды. Алайда, баланы көрдім деген бір адам жрқ. Қазір Алматы облыстық Полиция департаменті із-түзсіз жоғалып кеткен Айя Софияға қатысты сотқа дейінгі тергеп-тексеру жұмыстары басталғанын мәлімдеді. 

«Полиция қызметкерлері жұртшылықты және еріктілерді тарта отырып әлі іздестіру жұмыстарын жүргізуде. Өзге ақпарат тергеу мүддесіне орай жария етілмейді», - деді Алматы облысы ПД ресми өкілі Меруерт Морякова.

×
Бұл желілік ресурстың ақпараттық өнімдері 18 жастан асқан адамдарға арналған.