Шегіртке жыры: қысқа мұрттылардан келген шығын жоқ

Шегірткеге қарсы препарат жеткілікті. Бұл туралы Ауыл шаруашылығы министрі Айдарбек Сапаров мәлім етті, деп хабарлайды Azattyq Rýhy.

«Шегірткеге қарсы күрес жұмыстарына қаражат пен препараттар жеткілікті. Вице-премьер Серік Жұманғаринмен бірге өңірлерді аралап жүрміз. Жалпы, бір ауылға шегіртке кіріп кетті, үлкен шығын келтірді деген дерек болмады. Бекітілген жоспар бойынша нақты жұмыс жалғасып жатыр», — деді министр Парламент Мәжілісіндегі баспасөз мәслихатында.

Оның айтуынша, көрші елдермен шекарада шегірткенің таралуына тосқауыл қою мәселесіне ерекше назар аударылып отыр.

Еске салайық, Қазақстан мен Ресей шекарасы маңында шегірткеге қарсы күрес жұмыстары жүріп жатыр.