Бельгияда коронавирустан тағы 190 адам көз жұмды

Индонезияда бір тәулікте коронавирус инфекциясын 436 адамның жұқтырғаны анықталды, деп хабарлайды Мемлекеттік комиссияның шұғыл штабы.

«Бұл елде жалпы 8 211 адам коронавирусты жұқтырған. Өткен тәулікте қауіпті вирустың салдарынан 42 адам көз жұмды. Қайтыс болғандардың жалпы саны — 689. Мұнда 1 002 науқас жазылып шыққан» - делінген хабарламада.

Ал Бельгияда коронавирустан тағы 190 адам көз жұмды.

«COVID-19-дан қайтыс болғандардың жалпы саны — 6 679. Қазіргі таңда 970 науқас қарқынды терапия палатасына жатқызылған. 680 емделуші өкпені жасанды желдету аппаратына қосылған. Коронавирус диагнозы қойылған барлығы 4 355 адам ауруханада жатыр. Ал жалпы коронавирус инфекциясын жұқтырғандар саны 44 293-ке жетті», - деп хабарлайды шұғыл штаб.

Испанияда тағы 6 740 адам коронавирусты жұқтырды. Бұл елде COVID-19 вирусын барлығы 219 764 адам жұқтырған. Бұған қоса, жақында тағы 367 адам қайтыс болды. Коронавирустан көз жұмғандардың жалпы саны — 22 524.