ХАМАС толық жойылғанға дейін соғыс тоқтатылмайды – Нетаньяху

Израиль премьер-министрінің кеңсесі АҚШ президенті Джо Байденнің мәлімдемесін жоққа шығарды. Байден жуырда ХАМАС кепілге алынғандар босатқан жағдайда Израиль Газа секторынан әскерін шығаруға дайын екендігі туралы айтқан болатын. Бұл туралы Azattyq Rýhy агенттігі Euronews-ке сілтеме жасап хабарлайды.

«Израиль соғысты аяқтау шарттарын өзгерткен емес. ХАМАС-тың әскери және басқару мүмкіндіктері жойылып, кепілге алынғандар толықтай босатылған жағдайда, сол сияқты Газа енді Израильге қауіп төндірмейтінін уақытта ғана соғыс тоқтайды», - делінген премьер-министр кеңсесінің мәлімдемесінде.

Нетаньяху кеңсесі бұл талаптар орындалмаса, Израиль соғысты тоқтатпайтынын хабарлады.