Атырау облысындағы бірнеше өзенде су деңгейі көтеріліп жатыр

Атырау облысы бойынша «Қазгидромет» РМК гидрологиялық мониторингінің деректеріне сәйкес, 28 сәуір сағат 08:00-дегі жағдай белгілі болды. Бұл туралы Azattyq Ruhy агенттігі AtyrauPress-ке сілтеме жасап хабарлайды.

Қиғаш пен Шароновка каналында, Еділ өзенінің бассейнінде су деңгейінің жоғарылауы байқалады. Бұл Волгоград су қоймасынан су тасқыны кезінде судың көбеюіне байланысты. 

Қиғаш өзені – Шортанбай ауылы су бекетіндегі су деңгейі 333 см, тәулігіне көтерілу + 8 см, су тасқыны басталғаннан бері жалпы көтерілу 204 см құрайды.

Қиғаш өзені – Котяевка ауылы су бекеті бойынша су деңгейі 205 см, тәулігіне көтерілу + 9 см, су тасқыны басталғаннан бері жалпы көтерілу 195 см құрайды.

Шароновка өзені – Ганюшкино ауылы су деңгейі 201 см, тәулігіне көтерілу +4 см. Су тасқыны басталғаннан бері жалпы көтерілу 104 см құрайды.

28 сәуірде Еділ су электр станциясынан су жіберу 25 610 м3/с құрайды. Қиғаш пен Шароновка каналдарындағы су деңгейінің одан әрі көтерілуі күтіліп отыр.