Өзбекстан Қазақстанға гуманитарлық көмек жіберді

Қазақстанға 15 жүк көлігі жөнелтілді

Фото: Өзбекстан премьер-министрінің баспасөз қызметі

Өзбекстан президенті Шавкат Мирзиеевтің тапсырмасымен Қазақстанға су тасқынынан зардап шеккен өңірлердің тұрғындары үшін гуманитарлық жүк тиелген 15 жүк көлігі жөнелтілді. Бұл туралы Өзбекстан премьер-министрі Абдулла Ариповтың баспасөз қызметі мәлімдеді, деп хабарлайды Azattyq Ruhy.

Белгілі болғандай, 15 жүк көлігі арқылы азық-түлік, балалар мен ересектерге арналған киім-кешек, матрацтар, көрпелер, жастықтар, гигиеналық құралдар, арнайы құрал-жабдықтары бар шатырлар, резеңке қайықтар жинақтары және басқа да қажетті заттар жеткізіледі.

Айта кетейік, осыған дейін Қазақстанға гуманитарлық көмекті Қырғызстан жеткізген болатын.

Мақалада

#су тасқыны #Өзбекстан #құтқару жұмыстары #гуманитарлық көмек

Алдыңғы жаңалық

«Мұғалімдер гуманитарлық көмекті ұрлап жатыр»: СҚО тұрғыны жауапқа тартылды