Экономикалық контрабанда жасаған күдікті Түркиядан Қазақстанға жеткізілді
Ер адам көліктегі полиция департаментінің күшімен ұсталды
Экономикалық контрабанда жасаған күдікті Түркиядан Қазақстанға жеткізілді, деп хабарлайды Azattyq Rýhy Polisia.kz-ке сілтеме жасап.
Қазақстан ІІМ Интерпол ҰОБ-ның сұрауы бойынша түрік әріптестерімен бірлескен әрекет барысында және ҰҚК мен ҚР Елшілігінің қолдауымен «қызыл бюллетень» бойынша халықаралық іздеуде жүрген ер адам ұсталды.
«Ол экономикалық контрабанда жасағаны үшін іздеуде жүрген еді. Ол өзінің заңсыз іс-әрекеттерімен 56 млн теңгеден астам сомаға залал келтірді. Белгілі болғандай, 2017 жылы күдікті және басқа да адамдар Қазақстан Республикасының аумағынан Түркия Республикасына бағалы металл – алтынды заңсыз әкеткен. Қазіргі таңда ер адам депортацияланып, Алматыда қамауға алынды», - делінген хабарламада.
Ер адам көліктегі полиция департаментінің күшімен ұсталды.
