«Менің елімді қолдайтындарыңыз үшін рақмет»: Димаш Құдайберген шетелдегі жанкүйерлеріне алғыс айтты

Әлемге танымал қазақстандық орындаушы Димаш Құдайберген шетелдегі жанкүйерлеріне алғыс айтты. Ол өзінің алғыс айтқан бейнежазбасын Instagram желісінде жариялады, деп хабарлайды Azattyq Rýhy.

«Сәлеметсіздер ме, құрметті ханымдар мен мырзалар! Менің әлемнің түкпір-түкпірінде тұратын тыңдаушыларым Қазақ елі үшін қиын кезеңде гуманитарлық көмек жіберіп жатқандығы туралы ақпарат алдым. Мені және менің елімді әрдайым қолдайтындарыңыз үшін көп рақмет. Мен сіздерді жақсы көремін!», - деді ол бейнежазбада.

Бейнежазба астында Димаштың шетелдегі жанкүйерлері қолдау пікірлерін қалдырған.