Астанада 30-дан астам нысанда жарық бір сағатқа сөндірілді

23 наурызда дүние жүзіндегі мыңдаған ғимарат пен сәулет нысанында жарық бір сағатқа сөндірілді. Бұл акцияны елордадағы 30-дан астам нысан қолдады, деп хабарлайды Azattyq Ruhy елорда әкімдігінің ресми сайтына сілтеме жасап.

Кеше 20:30-21:30 аралығында «Жер сағаты» халықаралық экологиялық акциясы өтті. Осы уақыт аралығында әлемнің әртүрлі сәулет нысандары мен ғимараттарында жарық бір сағатқа өшірілді.

«Жер сағаты» — Дүниежүзілік жабайы табиғат қорының (WWF) демеушілігімен өтетін жыл сайынғы халықаралық шара, оған әлемнің түкпір-түкпірінен 2 миллиардтан астам адам атсалысады. Бұл әртүрлі елдердің миллиондаған адамдары 1 сағатқа жарық пен электр құралдарын өшіретін, әлемнің мыңдаған сәулет ескерткіштері жарықтарын өшіретін уақыт.

2024 жылы Қазақстанда «Жер сағаты» еліміздің табиғатын сақтау тақырыбына арналған», - делінген әкімдік хабарламасында.

23 наурыз күні кешке Астана әкімдігінің ақпараты бойынша акцияны қолдап, бір уақытта 30-дан астам нысанда жарық өшірілді:

1. Астана қаласының әкімдігі (Бейбітшілік көшесі, 11);
2. Астана қаласы Сарыарқа ауданының әкімдігі (Сарыарқа даңғылы, 13);
3. Бейбітшілік, 9 мекенжайындағы әкімшілік ғимарат;
4. Е.Рахмадиева атындағы Мемлекеттік академиялық филармония (Кенесары к-сі, 32);
5. М.Өтемісов атындағы Оқушылар сарайы (Мәмбетова к-сі, 1);
6. «Гранд Алатау» тұрғын үй кешені (Желтоқсан көшесі 2, 2/1, 2/2, 2/3);
7. «Арман» тұрғын үй кешені (Жеңіс даңғылы, 1)
8. «Престиж» тұрғын үй кешені (Желтоқсан көшесі, 1);
9. «Radisson Hotel Astana» (Сарыарқа даңғылы, 4)
10. «Riverside Apartments» тұрғын үй кешені (Сарыарқа даңғылы, 8);
11. «Park Inn by Radisson» қонақ үйі (Сарыарқа даңғылы, 8а);
12. «Симфония» тұрғын үй кешені (Сарыарқа даңғылы, 1);
13. «Болашақ» тұрғын үй кешені (Сарыарқа даңғылы, 3);
14. «Сана» тұрғын үй кешені (Шевченко к-сі, 8);
15. «Эдель» тұрғын үй кешені (Сарыарқа даңғылы, 5);
16. «Кенесары» тұрғын үй кешені (Сарыарқа даңғылы, 11);
17. Абай даңғылы, 13, әкімшілік ғимарат
18. Сарыарқа даңғылы, 17 мекенжайы бойынша тұрғын үй ғимараты;
19. «Шаңырақ» жатақханасы (Сарыарқа даңғылы, 42, 44);
20. «Свечки» тұрғын үй кешені (Бөгенбай батыр 28, 30);
21. «KERUEN CITY» ЖШС;
22. «Астана-Бәйтерек» монументі;
23. «Қазмедиа орталығы» телерадиокешені;
24. Нұр-Әлем мұражайының павильоны;
25. Бейбітшілік және келісім сарайы;
26. «Әзірет Сұлтан» мешіті;
27. Қазақстан Республикасының Ұлттық мұражайы;
28. Республикалық Бас мешіт;
29. «Айланд» отбасылық ойын-сауық орталығы;
30. «Астана Балет» ЖШС;
31. «ҚазМұнайГаз» ҰК;
32. «Қазақ елі» монументі;
33. «Мәңгілік Ел» салтанат қақпасы.