$ 501.57  554.34  5.98
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

Степногорскте мас жүргізуші жол апатын жасады: үш адам қаза болды

Полиция мас жүргізушіні ұстау үшін қызметтік қару қолданды

Степногорскте мас жүргізуші жол апатын жасады: үш адам қаза болды
Фото: instagram/step_notsleep

Степногорск полициясы 23 наурыз күні болған көлік апаты, тәртіп бұзғандарды қуу және атыс оқиғалары туралы түсіндіріп берді, деп хабарлайды Azattyq Ruhy.

Полиция департаменті 23 наурызда Степногорскте полиция қызметкерлері тәртіп бұзған Toyota Land Cruiser-ді байқап, тоқтатпақ болған. Бірақ ол талапқа бағынбай, оқиға орнынан бой тасаламақ болған. Кейіннен құқық бұзушы басқа көлікпен соқтығысып, ол жерден де қашып кеткен.

«Полиция қызметкерлері тәртіп бұзушыны ұстау туралы шешім қабылдады, ол үшін автокөлікті қудалау ұйымдастырылды. «Құқық қорғау қызметі туралы» бапқа сәйкес, көлік құралын мәжбүрлеп тоқтату үшін қызметтік қару қолданылды.

Қозғалысын жалғастыра отырып, құқық бұзушы «Заводской-Индустриалды аймақ» тас жолына шығып, «Ауди 80» көлігімен бетпе-бет соқтығысқан, оның ішінде жүргізуші мен екі жолаушы болған», - деп хабарлады полициядағылар.

Полицияның мәліметінше, апат салдарынан үшеуі де оқиға орнында көз жұмды. Жол-көлік оқиғасы бойынша сотқа дейінгі тергеу басталды.

«Медициналық сараптама Toyota Land Cruiser жүргізушісінің мас болғанын көрсетті. Тергеу аясында сот-медициналық сараптама тағайындалды. Toyota Land Cruiser жүргізушісі ұсталып, уақытша ұстау изоляторына қамалды», - деп қорытындылады ведомство.

Серіктес жаңалықтары