Көктемгі су тасқынына дайындық: қауіпті учаскелерде тәулік бойы кезекшілік ұйымдастырылды

Еліміздегі автожолдардағы су өткізгіш құбырлардың 75%-ы төтенше жағдайға дайын, деп хабарлайды Azattyq Ruhy ҚазАвтоЖолға сілтеме жасап.

Қазақстан өзінің жер аумағымен ерекшеленеді. Сәйкесінше, тас жолдың желісі де ауқымды - республикалық автожолдардың жалпы ұзындығы 25 мың шақырымды құрайды

«Еріген су жолдарды бүлдірмес үшін және оның қауіпсіз ағып кетуін қамтамасыз ету мақсатында  автожол жобаларын жоспарлау барысында су өткізу құбырларын орнатуға ерекше мән беріледі. Бүгінде 12 645 су өткізу құбырының 9 451 бірлігі, немесе 75% көктемге толық дайын. Атап өтсек, оңтүстік өңірлер 96%, солтүстік өңірлер 59% дайын», - делінген хабарламада.

Сонымен қатар жолшылар құм мен қап дайындап, су басу қаупі бар учаскелерде тәулік бойы кезекшілік ұйымдастырды.