Президент Өскемендегі «Үміт» балалар үйінің тәрбиеленушілерін тұрғын үймен қамтамасыз етуді тапсырды

Мемлекет басшысы өңірдегі спорт ареналарын аралап көріп, «Үміт» балалар үйінің тәрбиеленушілерімен сөйлесті, деп хабарлайды Azattyq Ruhy Ақорданың баспасөз қызметіне сілтеме жасап.

Президент аймақтағы Үстел теннисі орталығын аралау барысында облыс әкіміне балалар үйінің жағдайын ерекше бақылауда ұстауды және тәрбиеленушілерді тұрғын үймен қамтамасыз етуді тапсырды.

«Сіздермен жүздескеніме қуаныштымын. Ал орталыққа келер болсақ, ол, шын мәнінде, жүйелі жұмыс істеп жатыр. Жалпы, үстел теннисімен шұғылдану адами қасиеттер мен спорттық дағдыларды дамыту тұрғысынан пайдалы», – деді Мемлекет басшысы.