Жаңбыр аралас қар жауып, көктайғақ болады: бүгінгі ауа райы болжамы жарияланды

Azattyq Rýhy

Республика бойынша тұман түсіп, жел күшейеді

Жаңбыр аралас қар жауып, көктайғақ болады: бүгінгі ауа райы болжамы жарияланды
Фото: Azattyq Ruhy / Әсет Құндақбаев

Синоптиктер 7 ақпанда арналған ауа райы болжамын жариялады, деп хабарлайды Azattyq Ruhy.

«Скандинавия жақтан келген кең ауқымды циклон Қазақстан аумағының басым бөлігінің ауа райын анықтайтын болады, осыған байланысты тұрақсыз ауа райы болады. Жауын-шашын жаңбыр мен қар түрінде, еліміздің солтүстік-батысында, солтүстігінде қалың қар, еліміздің оңтүстігінде, оңтүстік-шығысында қатты жауын-шашын жауады», - делінген «Қазгидромет» РМК хабарламасында.

Республика бойынша тұман, көктайғақ болып, жел күшейеді, солтүстік-батыста, солтүстікте, оңтүстікте, оңтүстік-шығыста бұрқасын, қатты жел соғады.

Күндіз Ақтөбе облысының солтүстігінде, күндіз Қостанай облысының оңтүстігінде, шығысында, күндіз Ақмола облысының батысында, солтүстігінде, шығысында, күндіз Солтүстік Қазақстан облысының оңтүстігінде, батысында, Жамбыл облысының таулы аудандарында, таңертең және күндіз Түркістан облысының таулы және тау бөктерлі аудандарында кей уақыттарда өте қатты жел болады, күші 30 м/с және одан да жоғары болады.

Астанада көшпелі бұлт шығады, жаңбыр аралас қар жауады, бұрқасын, көктайғақ болады, жел 9-14, екпіні 15-20, кей жерлерде 23-28 м/с жетеді. Ауа температурасы түнде -5...-7°C, күндіз -1...+1°C болады.

Алматыда көшпелі бұлт шығады, жауын-шашынсыз ауа райы болады, жел 2-7 м/с жетеді. Ауа температурасы түнде -2...-4°C, күндіз +6...+8°C болады.

Шымкентте көшпелі бұлт шығады, жаңбыр жауады, жел 15-20, екпіні 25 м/с жетеді. Ауа температурасы түнде және күндіз +3…+5°C жетеді.

×
Бұл желілік ресурстың ақпараттық өнімдері 18 жастан асқан адамдарға арналған.