Бүгін елімізде қар аралас боран болады

«Қазгидромет» РМК синоптиктері бүгінге, яғни, 4 ақпанға арналған ауа райы болжамын жариялады, деп хабарлайды Azattyq Rýhy.

Қазақстан аумағының басым бөлігінде атмосфералық фронттарға байланысты ауа райының тұрақсыз сипаты сақталады.

Синоптиктердің болжамынша, қар аралас боран болады. Еліміздің батыс аймақтарында жаңбыр аралас қар түседі.

ҚР бойынша тұман шөгіп, жел күшейеді. Батыс аймақтарда көктайғақ болады.