Майқайың кенішіндегі құтқарушылардың жұмысы қайта жалғасты
Терең шұңқыр үлкен тастар мен кен жыныстарының бір орында үймеленіп қалуынан пайда болған
Фото: Павлодар облысы ТЖД баспасөз қызметі
Майқайың кенішіндегі шұңқыр түбіне шағын экскаватор түсірілді. Автобус жатуы ықтимал жерді қазу жұмыстары қайта жалғасын тапты, деп хабарлайды Azattyq Rýhy.
«Мамандар ойықты зерттеп болды. Қазір экскаватор ойық түбіне қайта түсіріліп, кен жыныстарын қайта экскавациялау жұмыстарын жалғастырып жатыр», - деп хабарлады өңірлік төтенше жағдайлар департаментінен.
Құтқарушылардың сөзінше, ойық түбіндегі терең шұңқыр үлкен тастар мен кен жыныстарының бір орында үймеленіп қалуынан пайда болған.
Еске сала кетейік, бүгін кеніш аумағындағы ойықта терең шұңқыр пайда болып, құтқарушылардың жұмысы шұғыл түрде тоқтатылғанын жазған болатынбыз.
Серіктес жаңалықтары
Көп оқылған
13.11.2025, 06:03
Бейсенбі күні Қазақстанда ауа райы қандай болады
13.11.2025, 16:58
Астанада тұрғын үйдің лифтісі құлап, бір адам қаза тапты (ВИДЕО)
13.11.2025, 21:00
«Ауыр жағдайда жатыр»: Астанада лифтіде жарақат алған екі адамның жағдайы белгілі болды
