БҚО-да 231 млн теңге болатын жер телімдері мемлекетке қайтарылды

БҚО-да 231 миллион теңге сомасында жер телімдері мемлекетке қайтарылды. Бұл туралы облыстық прокуратурадан мәлім етті, деп хабарлайды Azattyq Rýhy.

Шыңғырлау ауданының прокуратурасы жер заңының сақталуы бойынша жүргізілген талдау қорытындысы негізінде шаруа қожалықтары жер телімдерін мақсатына сәйкес пайдаланбайтынын анықтады.

Прокуратурмен жергілікті атқарушы органға ұсыну енгізілді. Қадағалау актісі негізінде мемлекетке 231 миллион теңге сомасында жалпы көлемі 12 234 гектар 22 ауыл шаруашылығы мақсатындағы жер телімдері қайтарылды.

Болашақта жер телімдері тиімді пайдалану үшін мұқтаж тұлғаларға табысталады.