Газада қаза тапқан палестиналықтар саны 26,5 мыңға жуықтады

Төрт айдан астам уақыт ішінде Газа секторында қаза тапқан палестиналықтардың саны 26 422-ге жетті, деп хабарлайды Azattyq Ruhy.

Anadolu агенттігінің жазуынша, бұл туралы Палестина анклавының денсаулық сақтау министрлігі мәлімдеді.

«Сондай-ақ 65 087 адам жарақат алды», - делінген хабарламада.

Сонымен қатар Иордан өзенінің батыс жағалауында өткен жылдың қазанынан бері кем дегенде 370 палестиналық қаза тауып, 4250-ден астамы жарақат алды.

Үздіксіз атқылау салдарынан жедел медициналық және азаматтық қорғаныс топтары жаралылар мен бомбалау кезінде қираған ғимарат астында қалғандарға жете алмай отыр.

Тақырыпқа орай: Қызыл теңіздегі текетірес: хуситтер деген кімдер?

Еске салайық, Таяу Шығыстағы жағдай 2023 жылғы 7 қазанда ХАМАС содырларының Газа секторынан Израиль аумағына енуінен кейін күрт ушығып кетті. Содырлар шекаралық елдімекендердің тұрғындарын өлтіріп, 200-ден астам изарильдікті кепілге алған болатын.

Израиль тарапы бұған жауап ретінде бүгінге дейін жалғасып келе жатқан «Темір қылыштар» операциясын бастап кетті.